पछिल्लो २४ घण्टामा ४६३ कोरोना संक्रमित थपिए, कुल संक्रमित १२७७२ पुग्यो

Logo
आइतबार, आषाढ १४, २०७७

विराटनगर । पछिल्लो २४ घण्टाको अवधिमा चारसय ६३ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले आइतबार साँझ गरेको नियमित मिडिया ब्रिफमा एकसय पाँच जना महिला र तीनसय ५८ जना पुरुष गरि ४६३ जना नयाँ संक्रमित थपिएको जानकारी दिइयो ।
आइतबार थपिएको संख्यासँगै नेपालमा कोरोना संक्रमितको संख्या १२ हजार सातसय ७२ पुगेको छ । जसमध्ये एकहजार चारसय ७४ जना महिला र ११ हजार दुईसय ९८ जना पुरुष रहेका छन् । मन्त्रालयका प्रवक्ता डा.जागेश्वर गौतमले मुलुकका २० वटा प्रयोगशालामा चारहजार नौसय ६२ जनाको पिसिआर विधिबाट परिक्षण गरिएको बताए ।
मन्त्रालयका अनुसार मोरङमा एक, इलाममा एक, सुनसरीमा एक, झापामा दुई र उदयपुरमा चारजना नयाँ संक्रमित फेला परेका छन् । हालसम्म तीनहजार १३ जना संक्रमित निको भएर घर फर्केका छन् भने कोरोनाका कारण २८ जनाको मृत्यु भएको छ ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]