विराटनगर । सुनसरीको धरानमा २८ बर्षिय प्रताप भट्टराईले आत्महत्या गरेका छन् । धरान १४ विजयपुरको नारायणपुरमा बस्दै आएका काँग्रेसका क्षेत्रीय सदस्य समेत रहेका भट्टराई प्रदेश १ का सांसद चन्द्रप्रसाद श्रेष्ठका स्वकीय सचिव पनि हुन । उनले झुन्डिएर आत्महत्या गरेको प्रहरीले जनाएको छ ।
नेपाल विद्यार्थी संघबाट राजनीति शुरु गरेका भट्टराई पछिल्लो समय काँग्रेसको राजनीतिमा सक्रिय थिए । धरान १४ नारायणपुरस्थित आफ्नै घरमा उनले पहेलो रंगको रामनामीको पासो लगाएर आत्महत्या गरेका थिए । नेपाली काँग्रेस नगर सचिव श्याम पोख्रेलका अनुसार भट्टराईको शव कोठामा रहेको पङ्खामा पहेलो रामनामीको पासो लगाई झुन्डिएको अवस्थामा भेटिएको थियो ।
मृतक भट्टराईको श्रीमती र छोरी माइती गएको कारण कोठामा एक्लै थिए । करिब साढे ९ बजेतिर मात्र उनले आत्महत्या गरेको थाहा पाएको प्रहरीले जनाएको छ ।