कोशी ब्यारेजमा चट्याङ लागेर दुईको मृत्यु

Logo
बिहिबार, आषाढ ११, २०७७

इनरुवा । कोशी ब्यारेजको सप्तरी खण्डमा चट्याङ लागेर बिहीबार बिहान दुई जनाको मृत्यु भएको छ । घरमा पुजा लगाएर फुलपाती सेलाउन कोशी ब्यारेज पुगेका उनीहरुको बिहीबार विहान परेको चट्याङले मृत्यु भएको प्रहरीले जनाएको छ ।
कोशी ब्यारेजका प्रहरी सहायक निरीक्षक कुलबहादुर खत्रीले भारदहतर्फको क्षेत्रमा जोड आवाज सहित चट्याङ परेको जनाए । चट्याङ लागेर मृत्यु हुनेमा महदेवा गाउपालिका २ का ६० वर्षीय छेदी ठाकुर र २७ वर्षीय बेचन यादव रहेका छन् । जिल्ला प्रहरी कार्याल्य सप्तरीका अनुसार उनीहरुको घटनास्थलमा नै मृत्यु भएको थियो ।
बिहीबारमा मात्र सप्तरीमा चट्याङ लागेर बिहीबार बिहान सप्तरीमा मृत्यु हुनेको संख्या ४ पुगेको छ भने एक किशोरी गम्भीर घाइते भएकी छन् । उनको उपचार भइरहेको छ । यसैगरी खेतमा धान रोप्न गएको बेला चटयाङ लागेर सप्तरीको डाक्नेश्वरी नगरपालिका ९ लछनपटीका ३० वर्षीया ललितादेबी यादवको मृत्यु भएको छ ।
चटयाङ लागेर गम्भीर घाइते रहेका राजगढ गाउँपालिका बेल्ही चपेनाका ४५ वर्षीय केसीलाल साहको उपचारका क्रममा गजेन्द्रनारायण सिंह अस्पताल राजविराजमा मृत्यु भएको छ । यस्तै आँगनमा काम गरिरहेकी १८ वर्षीया आशा मण्डललाई उपचारका लागि गजेन्द्रनारायण सिंह अस्पताल राजविराजमा भर्ना गरिएको छ ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]