कोरोना संक्रमितको हब बन्यो रतुवामाई, खुल्ला सीमा चुनौती

Logo
बुधबार, आषाढ ०३, २०७७

विराटनगर । मोरङको रतुवामाई नगरपालिकामा शनिबार भारतबाट १७ जना नेपाल स्वदेश फर्किए । उनीहरु सीमावर्ती भारतको फुलवरियाको स्थलमार्ग हुँदै नेपाल प्रवेश गरे । त्यसरी खुल्ला सीमा नाका हुँदै अहिले पनि स्वदेश फर्कने धेरै छन् ।
रतुवामाई नगरपालिका २ को घररु चोकबाट मात्र होइन, पूर्वी मोरङको खालगाछी र झापाको गौरीगञ्जबाट नेपाल प्रवेश गर्नेहरु धेरै छन् । सोही नगरपालिकाले स्थापना गरेको क्वारेन्टिनमा बसेका ९ जनालाई बुधबार पनि कोरोना भाइरस संक्रमणको पुष्टि भयो । थपिएको यो संख्या सँगै रतुवामाईमा कोरोना संक्रमितको संख्या बुधबार सम्ममा ५६ पुग्यो । नेपाल प्रवेशका लागि स्थलमार्ग हुँदै सयौ नेपालीहरु स्वदेश फर्किसकेका छन् । रतुवामाई नगरपालिकाले मात्र बिभिन्न ५ वटा विद्यालयलाई क्वारेन्टिन बनाएको छ । गत आइतबार पनि सो क्वारेन्टिनमा रहेका २५ जनालाई कोरोना संक्रमणको पुष्टि भएको थियो ।
ती सबै भारतको बिभिन्न स्थानबाट आएर क्वारेन्टिनमा बसेका नगरपालिकाका स्वास्थ्य संयोजक सन्तोष साहले विराटपथलाई बताए । साहका अनुसार रतुवामाईमा मात्र हालसम्म ५६ जनालाई कोरोना संक्रमणको पुष्टि भइसकेको छ । ती मध्ये २ जना उपचारपछि डिस्चार्ज भएका छन् । रतुवामाईमा मात्र संक्रमित मध्ये प्राय सबै जना भारतबाट आएका हुन । बाँकी भने स्थानीय नै हुन । संक्रमित रतुवामाई नगरपालिका वडा नम्बर २, ३, ४, ५ र ९ का बासिन्दा हुन । घर फर्किएकाहरु प्राय सबै रोजगारीका लागि भारत गएका हुन ।
‘हामीलाई खुल्ला सीमा नै प्रमुख कारण बन्यो । यहीका बासिन्दालाई संक्रमण छैन । प्रायसबै भारतबाट आएका हुन ।’ नगरप्रमुख रविन राईले भने,‘आएकालाई हामीले बिभिन्न बिद्यालयमा ब्यवस्थित गरेर राखेका छौ । हाम्रो स्रोत साधनले भ्याएसम्म सेवा दिईरहेका छौ ।’
क्वारेन्टिनमा राखिएकाहरुको क्रमश स्वाब संकलन गर्दै लैजाने नगरपालिकाले जनाएको छ । केही दिनभित्र सबैको स्याब संकलन गरिसक्ने योजना बनाएको नगरपालिकाले कोरोना संक्रमण मुक्त हुने प्रयास जारी राखेको छ । ‘प्रदेश सरकारले १० लाख दियो । बाँकी सबै आफ्नो स्रोत जुटाएर काम गरिरहेका छौ ।’ प्रमुख राईले भने,‘खान बस्ने लगायतको आधारभूत सुविधा दिएर क्वारेन्टिन सञ्चालन गरेका छौ ।’

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]