इनरुवा । जिल्ला प्रहरी कार्यालय सुनसरीले नक्कली प्रहरी बनेर ब्यापारीसँग रकम असुल्नेलाई पक्राउ गरेको छ । पक्राउ पर्नेमा सुनसरी हरिनगर गाँउपालिकाका २३ बर्षिय असरार अहमद मिँया रहेका छन् ।
प्रहरीका अनुसार हरिनगर गाँउपालिका २ को सडकखण्डमा अहमदले आफु घुमुवा प्रहरी भएको भन्दै ब्यापारीलाई धम्की दिदै रकम असुल्दै आएका थिए । घुमुवा प्रहरीको धम्की दिदै रकम असुल्दै गरेको भन्ने सूचना पाएको प्रहरीले मंगलबार उनलाई पक्राउ गरेको हो । प्रहरी चौकी भुटाहाबाट गएको टोलीले उनलाई रकम असुल गरिरहेको बेला पक्राउ गरेको थियो ।
पक्राउ परेका अहमदबिरुद्ध प्रहरीले मुलुकी संहिता अन्तरगत अभद्र ब्यवहार मुद्धा दर्ता गराएको छ ।