विराटनगर । मदिरा सेवन गरि पर्साको एक बिद्यालयमा रहेको क्वारेन्टिनमा प्रवेश गरेर होहल्ला गर्ने तीन जनालाई प्रहरीले पक्राउ गरेको छ । पर्साको पटेर्वासुगौली गाँउपालिकामा रहेको नेपाल राष्ट्रिय माध्यमिक बिद्यालय निचुटामा प्रवेश गरि अभद्र ब्यवहार गर्नेलाई प्रहरीले पक्राउ गरेको हो ।
रातको करिब १० बजे तिर बिद्यालयमा रहेको क्वारेन्टिनमा मदिरा सेवन गरि अभद्र ब्यवहार गर्ने सोही स्थानका २८ बर्षिय श्रीराम चमार, ३२ बर्षका अर्का श्रीराम चमार । २६ बर्षका रामबालक हजारा दुसादलाई प्रहरीले पक्राउ गरि कारवाही प्रक्रिया अघि बढाएको जनाएको छ । उनीहरुले बिद्यालय परिसरमा प्रवेश गरि प्रहरीलाई समेत गाली गलौच र अभद्र ब्यवहार गरेका थिए ।
जिल्ला प्रहरी कार्यालय पर्साका अनुसार उनीहरु माथि सार्वजनिक शान्ति बिरुद्धको कसुरमा मुद्धा प्रक्रिया अघि बढाइएको छ ।