सुनसरीमा संक्रमित केही जोगबनी नाका हुँदै नेपाल आएका थिए

Logo
शुक्रबार, जेठ २३, २०७७

इनरुवा । सुनसरीमा शुक्रबार पुष्टि भएका कोरोना संक्रमित केही विराटनगरको सीमावर्ती जोगबनी नाका हुँदै नेपाल प्रवेश गरेको खुलेको छ । प्रहरीले स्रोतले दिएको जानकारी अनुसार संक्रमित १५ जना मध्ये ३ जना जोगबनी नाका हुँदै नेपाल प्रवेश गरेको खुलेको छ । केही भने सुनसरीको बिभिन्न स्थान र सप्तरीबाट नेपाल प्रवेश गरेका थिए ।
सुनसरीको बर्जु गाँउपालिकाको सितारा फ्याक्ट्रीको क्वारेन्टाइनमा बसेका ३ जना भारतको हरियाणाबाट जेष्ठ १५ गते नेपाल जोगबनी हुँदै नेपाल प्रवेश गरेका थिए । तीनै जना पुरुष रहेको र उनीहरुको उमेर १८, २९ र ३८ बर्ष रहेको थियो । जोगबनीबाट विराटनगर प्रवेश गरेपछि उनीहरुलाई सिधै बर्जु गाँउपालिकाका क्वारेन्टाइनमा लगिएको थियो ।
त्यसैगरि सुनसरीको हरिनगर गाँउपालिकास्थित भुटाहा क्वारेन्टाइनमा पुष्टि भएका अधिकांश संक्रमितहरु भारतको गुजरातबाट आएको प्रहरीले जनाएको छ । जिल्ला प्रहरी कार्यालय सुनसरीका अनुसार संक्रमति मध्ये ८ जना जेष्ठको ११ र १३ गते भारतको गुजरातबाट आएका थिए । त्यस्तै एकजना जेष्ठ १० गते भारतको युपीबाट र १३ गते भारतको सुपौलबाट र १४ गते सप्तरी नाका हुँदै नेपाल प्रवेश गरेका थिए ।
ंभुटाहा क्वारेन्टाइनमा फेला परेका सबै संक्रमित सबै भारतबाट आएर क्वारेन्टाइनमा बसेका नेपाली नागरिक हुन । हरिनगर गाँउपालिकाका अध्यक्ष गफार अंसारीले युपी लगायतका स्थानबाट आएकाहरुमा कोरोना संक्रमण देखिएको बताए । उनले विराटपथसँग भने, ‘प्राय सबै विद्यार्थी हुन ।’
भुटाहा क्वारेन्टाइनमा संक्रमित मध्ये एकजना भोक्राहा नरसिंह गाँउपालिकाका ४७ बर्षिय पुरुष छन् । बाँकी सबै हरिनगर गाँउपालिकाका बासिन्दा हुन । उनीहरु १४ बर्षदेखि २६ बर्षसम्मका पुरुष हुन ।

फाटो क्याप्सन : केही दिन पहिले जोगबनी नाका हुँदै नेपाल प्रवेश गरेका नेपाली नागरिक (फाइल फोटो)

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]