विराटनगर । मोरङको छुट्टाछुट्टै दुई स्थानमा भएको सवारी दुर्घटनामा परेर दुई जनाको मृत्यु भएको छ । प्रदेश प्रहरी कार्यालय विराटनगरका अनुसार सोमबार साँझ मोरङको सुन्दरहरैचा नगरपालिका ९ झरना पुलमा भएको दुर्घटनामा ३१ बर्षिय गोबिन्द बजगाईको मृत्यु भएको हो ।
पश्चिमबाट पूर्व तर्फ जाँदै गरेको को ३ प ९७६२ नम्बरको मोटरसाईकल आफै अनियन्त्रित भई दुर्घटना भएको थियो । घाइते भएका बजगाईको उपचारको क्रममा बीपी कोईराला स्वास्थ्य बिज्ञान प्रतिष्ठान धरानमा सोमबार राती ९ बजे मृत्यु भएको थियो ।
त्यसैगरि सोमवार राति १० बजे मोरङकै केरावारी गाउँपालिका ९ को भित्री सडक खण्डमा को ३८ प १०७१ नम्बरको मोटरसाईकल दुर्घटनामा परेर स्थानीय विकास गुरुङको मृत्यु भएको प्रहरीले जनाएको छ । बाटोमा ढलेर लडेको रुखको हांगामा ठोक्किएर भएको दुर्घटनामा गुरुङ घाईते भएका थिए । गुरुङको पनि उपचारको क्रममा विराट नर्सिङ होमा मृत्यु भएको हो ।
