विराटनगर । कोरोना भाइरसका संक्रमितको संख्या फेरि बढेका छ । स्वास्थ्य तथा जनसंख्या मन्त्रालयले सोमबार राती गरेको अध्यावधिक अनुसार नयाँ १८ जनामा कोरोना भाइरसको संक्रमणको पुष्टि भएका छ । थपिएकासँगै नेपालमा कोरोना भाइरस संक्रमितको संख्या ३ सय ७५ पुगेको छ ।
राष्ट्रिय जनस्वास्थ्य प्रयोगशाला, काठमाण्डौ, बीपी कोइराला स्वास्थ्य बिज्ञान प्रतिष्ठान धरान, भेरी अस्पताल नेपालगञ्ज र कोशी अस्पताल विराटनगरमा गरिएको परिक्षण अनुसार थप १८ जनामा कोरोना भाइरसको संक्रमणका पुष्टि भएको हो । नयाँ संक्रमित मध्ये धनुषामा २ जना पुरुष, बाँकेमा १२ जना पुरुष, दैलेखमा एकजना पुरुष रहेका छन् ।
त्यसैगरि सुनसरी र खोटाङ जिल्लामा समेत नयाँ कोरोना संक्रमित पहिलो पटक फेला परेका छन् । सुनसरीमा एक पुरुष, खोटाङमा एक पुरुष, झापामा एक पुरुषमा कोरोनाको संक्रमण पुष्टि भएको हो ।