विराटनगर । कोरोना भाइरसबाट थप तीनजना संक्रमित भएका छन् । स्वास्थ्य तथा जनसंख्या मन्त्रालयले विहिबार साँझ गरेको बिज्ञप्तिमा काठमाण्डौ, धनुषा र धादिङ जिल्लामा थप तीन नयाँ रोगी फेला परेको जनाएको छ । यो संख्यासँगै नेपालमा कोरोना संक्रमितको संख्या २ सय ४९ पुगेको छ ।
राष्ट्रिय जनस्वास्थ्य प्रयोगशाला काठमाण्डौमा गरिएको परिक्षण अनुसार ७ बर्षिय बालकसहित दुई महिलामा कोरोना भाइरसको संक्रमण देखिएको हो । काठमाण्डौको दहचोकमा ७ बर्षिय बालक, धनुषाको जनकपुरमा १७ बर्षिया महिला र धादिङमा ३० बर्षिया महिलामा कोरोनाको पुष्टि भएको हो ।