सुनसरीमा राहतको कार्य जारी, १३ टन चामल बाँड्दै

Logo
आइतबार, बैशाख १४, २०७७

विराटनगर । सुनसरीमा राहतको कार्यलाई तिब्रता दिइएको छ । दुहबीका सुमन भट्टराईको समन्वयमा राहत वितरणको कार्यलाई निरन्तरता दिइएको छ । नेकपाका प्रदेश १ का ईन्चार्ज भीम आचार्यको पहलमा यो अभियान शुरु गरिएको हो । सरकारले लकडाउन गरेपछि समस्यामा परेकाहरुलाई सहयोग तथा राहत गर्ने उद्धेश्यले यो अभियान निरन्तर चल्दै आएको छ ।
यसैबिच सो टोलीले सुनसरी क्षेत्र नम्बर १ अन्र्तगतको क्षेत्रहरुमा राहत कार्यलाई आईतबारदेखि शुरुवात गरेका छन् । उनीहरुले आइतबार मात्र बराहक्षेत्र र रामधुनीका गरि ७ वटा वडालाई प्रत्येक वडालाई पाँच पाँचसय केजी चामल उपलब्ध गराएका छन् । आइतबार मात्र करिब तीन टन चामल वितरण गरिएको छ । ‘यो असहजतामा हामीले सकेको सहयोगको गरिरहेका छौ’ अभियानकर्मी भट्टराईले विराटपथसँग भने,‘यो बेला भने हामीले सुनसरीको क्षेत्र नम्बर १ लाई रोजेका हौ । सकेको सहयोग गर्ने अभिलाषा हो ।’
आइतबार नेकपाका प्रदेश १ का ईन्जार्च भीम आचार्यले राहत वितरणको कार्यलाई शुभारम्भ गरेका थिए । आचार्य कै पहलमा राहत कार्य अघि बढाइएको हो । उनले बराहक्षेत्र र रामधुनीका केही वडाहरुमा राहत सामाग्री वितरण गरेका थिए । राहत वितरणमा ईन्जार्ज आचार्यले वडाध्यक्ष मार्फत वितरण भएको राहत सामाग्री तल्लो तहमा पुग्ने विश्वास ब्यक्त गर्दै कोरोना संक्रमणको अबस्थामा सबैले सावधानी अपनाउनु पर्ने बताएका थिए ।
अभियानकर्मी भट्टराईका अनुसार सुनसरीको क्षेत्र नम्बर १ अन्तरगत सबै पालिकाका २७ वटा वडाहरुमा १३ हजार पाँचसय केजी चामल राहत स्वरुप वितरण गर्ने कार्यक्रम रहेको छ । भट्टराईले भने, ‘आजबाट शुरुवात भयो भोलिदेखि क्षेत्रका हरेक वडाहरुमा चामल वितरण गर्दैछौ । करिब १३ हजार पाँचसय केजी चामल वितरण गर्नेछौ ।’

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]