प्रदेश १ को प्रहरी प्रमुखमा आए, डिआईजी कार्की

Logo
सोमबार, बैशाख ०८, २०७७

विराटनगर ।  प्रहरी नायव महानिरीक्षक (डिआईजी)मा बढुवा भएका ईश्वरबाबु कार्की प्रदेश १ को प्रहरी प्रमुख भएर आएका छन् । नेपाल प्रहरीको बरिष्ठ प्रहरी उपरीक्षक (एसएसपी) बाट बढुवा भएर दज्र्यानी चिन्ह प्रदान गरिएकै दिन उनको पदस्थापन भएको हो ।
सोमबार नेपाल प्रहरीका १० जना एसएसपीले डिआईजीको दज्र्यानी चिन्ह प्राप्त गरेका थिए । गृह मन्त्रालयले सातै प्रदेशका प्रहरी प्रमुख हेरफेर गरेको छ । बढुवा भएका ७ जना डिआईजीलाई प्रदेश प्रहरी प्रमुखको जिम्मेवारी प्रदान गरिएको छ ।
गृहले प्रदेश १ मा ईश्वरबाबु कार्की पठाइएका छन् भने प्रदेश २ मा धिरजप्रताप सिंहलाई पठाइएको छ । बाग्मती प्रदेश प्रमुखमा वसन्त लामा, गण्डकी प्रदेशमा घनश्याम अर्याल, प्रदेश ५ मा रविन्द्र धानुक, कर्णाली प्रदेशमा वसन्त पन्त र सुदूरपश्चिम प्रदेशमा उत्तम सुवेदीले जिम्मेवारी पाएका छन् ।
केन्द्रीय अनुसन्धान ब्युरो (सीआईबी) मा सहकुलबहादुर थापालाई पठाइएको छ । थापाले यसअघि अपराध अनुसन्धान महाशाखाको सफल नेतृत्व गरिसकेका छन् । सीआईबीका डीआईजी निरज शाहीलाई प्रहरी महानिरीक्षकको सचिवालयमा पठाइएको छ ।
हाल प्रदेश २ मा रहेका डीआईजी प्रद्युम्न कार्कीलाई विशेष ब्युरोको जिम्मेवारी दिइएको छ । डीआईजी अरुणकुमार विसीलाई अख्तियार दुरुपयोग अनुसन्धान आयोगमा पठाइएको छ भने प्रकाशजंग कार्कीलाई राष्ट्रिय प्रहरी प्रशिक्षण प्रतिष्ठान, महाराजगञ्जमा पठाइएको छ ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]