राजधानीमा थप २ जनालाई कोरोना संक्रमण, नेपालमा संक्रमित संख्या १६ पुग्यो

Logo
मंगलबार, बैशाख ०२, २०७७

विराटनगर । राजधानीको सनसिटी अपार्टपेन्टमा बस्दै आएका दुई जनालाई कोरोना संक्रमणको पुष्टि भएको छ । काठमाण्डौंको सनसिटीमा बस्दै आएका तीनजनामध्ये दुई जनामा कोरोना संक्रमण पुष्टि भएको हो ।
टेकुस्थित जनस्वास्थ्य प्रयोगशालामा गरिएको परीक्षणमा दुई जनाको कोरोना संक्रमण पुष्टि भएसँगै नेपालमा कोरोना भाइरसको संक्रमितको संख्या १६ पुगेको छ । सनसिटीमा रहेका एकजनाको भने परीक्षणमा केही समस्या देखिएपछि पुनः स्वाव लिएर परीक्षण गरिँदा उनमा भने संक्रमण नदेखिएको स्वास्थ्य मन्त्रालयले जनाएको छ ।
हिजो र्या्पिड टेस्ट विधिबाट गरिएको परीक्षणमा तीन जनामा पोजेटिभ देखिएपछि पुनः पीसीआर विधिबाट परीक्षणका लागि केन्द्रीय प्रयोगशालामा नमुना पठाइएको थियो । मन्त्रालयका अनुसार ५६ बर्षिय पुरुष र ८१ बर्षिय महिलामा संक्रमण देखिएको हो ।
नेपालमा हालसम्म ५ हजार ६ सय ९१ जनालाई कोरोना भए नभएको परिक्षण गरिएको छ । जसमध्ये १६ जनामा संक्रमण देखिएको छ । १ जना भने निको भएर घर फर्किसकेका छन् ।

(यस अघिको समाचारमा भुलबश त्रुटि भएकोमा सच्चाइएको छ । सम्पादक)

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]