पूर्वमन्त्रीले हेलिकप्टर चार्टर गरि स्वास्थ्य सामाग्री धनकुटा पठाए 

Logo
मंगलबार, चैत्र २५, २०७६

विराटनगर । पूर्वमन्त्री सुनिलकुमार थापाले हेलिकप्टर चार्टर गरेर राहत सामाग्री गृहजिल्ला धनकुटा पठाएका छन् । कोरोना भाइरस रोकथाम र नियन्त्रणका लागि थापाले धनकुटाका बिभिन्न स्वास्थ्यलाई बिभिन्न सामाग्री पठाएका हुन । उनले मंगलबार एयर डाइनेष्टि मार्फत ती सामाग्री पठाएको जनाएका छन् ।
विपद् ब्यवस्थापन समिति धनकुटा र उद्योग बाणिज्य संघ धनकुटा मार्फत बिभिन्न स्वास्थ्य संस्थामा पुग्नेगरि सामाग्रीहरु पठाइएको छ । थापाले ७४ सेट पिपिई, एम्बुलेन्स चालकलाई २२ सेट पञ्जा, हेण्डवास, सेनिटाइजर, हाँतधुने साबुन, २ हजार थान माक्स लगायतका सामाग्रीहरु धनकुटाको ३ नगरपालिका, ४ गाँउपालिकाका एकलाख भन्दा बढी जनसंख्या भन्दा बढी जनतालाई सेवा पुर्याउन पठाएको जनाएका छन् ।
ती सामाग्रीहरु अस्पताल, आइसोलेसन तथा क्वारेन्टनइन सेन्टर, प्राथमिक स्वास्थ्य केन्द्रहरु र स्वास्थ्य चौकीहरुले उपलब्ध गराइने बताइएको छ । मंगलबार विहान नेपाली सेनाको सल्लेरी ब्यारेक मार्फत ती सामानहरु पठाइएको हो । पूर्वप्रधानमन्त्री सूर्यबहादुर थापा प्रतिष्ठान मार्फत २ बोरा पिपिई किट पनि सोही हेलिकप्टर मार्फत धनकुटा लगिएको छ ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]