विराटनगर । मन्त्रीपरिषद्को सोमबारको बैठकले लकडाउनको अवधि लम्ब्याएको छ । सरकारले बैशाख ३ गतेसम्म लकडाउन बढाउने निर्णय गरेको छ ।
प्रधानमन्त्रीको सरकारी निवास वालुवाटारमा सोमबार दिउँसो बसेको मन्त्रिपरिषद्को बैठकले कोरोना संक्रमण रोकथाम र नियन्त्रणका लागि लकडाउन जारी राख्ने निर्णय गरेको हो । सरकारले पहिलोपल्ट चैत्र ११ गतेदेखि एक सातासम्म लकडााउनको घोषणा गरेको थियो । त्यसैगरि १७ गते बसेको उच्चस्तरीय बैठकले चैत्र २५ गतेसम्म लकडाउन बढाउने निर्णय गरेको थियो ।
लकडाउनको समय म‌ंगलबार सकिदै थियो । सो अवधि सकिने भएपछि सरकारले सोमबार नै लकडाउन थप गर्ने निर्णय गरेको हो । छिमेकी भारतले पनि तीन साता लामो लकडाउन गरेको छ ।