कबिन इन्टनेशनलद्धारा ५ हजार केजी चामल प्रदान

Logo
आइतबार, चैत्र २३, २०७६

इनरुवा । कबिन इन्टरनेशनल प्रालि, विराटनगरले इनरुवा नगरपालिकालाई ५ हजार केजी चामल प्रदान गरेको छ । आइतबार एक इन्टरनेशनल प्रालिले इनरुवा नगरपालिकाका प्रमुख राजन मेहतालाई सो चामल हस्तान्तरण गरेको हो ।
कोरोना भाइरसको संक्रमण र जोखिम न्यून गर्न सरकारले लकडाउन गरेपछि बिचल्लीमा परेका गरिब, असहाय र बिपन्नलाई राहत प्रदान गर्न सो प्रालिले चामल वितरण गरेको हो । सो प्रालिका सञ्चालक युवा ब्यवसायी कबिन श्रेष्ठ इनरुवा नगरपालिका निवासी हुन । उनी लामो समयदेखि विराटनगरमा रहेर ब्यापार, ब्यवसायका साथै सामाजिक कार्यमा सक्रिय हुँदै आएका छन् ।
‘विराटनगर लगायतका अन्य स्थानमा धेरैले सहयोग गर्दै आएका छन् तर आफ्नै गृहनगरमा लकडाउनले गर्दा गरिब र बिपन्न भोकै रहेको खबर पाए ।’ युवा ब्यवसायी श्रेष्ठले विराटपथसँग भने,‘यो भावना र संम्बेदनाको बिषय हो । त्यसैले यो बिपद्को समयमा आफ्नै स्थानमा केही सहयोग गर्न मन लाग्यो ।’ उनले यो बाहेक अन्य केही सहयोग चाहिएमा इनरुवा नगरपालिकासँग आफ्नो कम्पनी सहकार्य गर्न तयार रहेको जानकारी दिए ।
इन्टरनेशनलले प्रदान गरेको चामल इनरुवा नगरपालिकाले गरिब, बिपन्न र खान समस्या परेकाहरुलाई बाँड्ने जनाएको छ । यसअघि कोशी बाढी पीडितलाई समेत सो संस्थाले राहत र सहयोग प्रदान गरेको थियो ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]