विराटनगर । नेपालमा थप ३ जनामा कोरोना भाइरसको संक्रमण देखिएको छ । स्वास्थ्य मन्त्रालयका अनुसार थप कैलालीमा २ जना र कञ्चनपुरमा एकजनामाा कोरोना भाइरसको संक्रमण देखिएको हो ।
मन्त्रालयले शनिबार दिउँसो आफ्नो फेसबुक पेजमा जानकारी दिदै भारतको मुम्बईबाट फर्किएका कैलालीका २१ बर्षिय पुरुष, त्यस्तै भारतको उत्तराखण्डबाट फर्किएका कञ्चनपुरका ४१ बर्षिय पुरुषमा कोराना भाइरसको संक्रमण देखिएको जनाएको छ ।
त्यस्तै कैलालीको ३४ बर्षिया महिलामा कोरोना भाइरसको संक्रमण देखिएको छ । यसअघि उनको परिवारमा एक जनालाई कोरोनाको संक्रमण भएको थियो । मन्त्रालयले यो पहिलो पटक नेपाल भित्रै अर्को ब्याक्तिमा संक्रमण भएको पहिलो घटना भएको जनाएको छ । उनको परिवारको सदस्यबाटै ती महिलामा कोरोना भाइरस सरेको आशंका गरिएको छ ।
