यसरी मनाए, मेयर पराजुलीले आफ्नो जन्मदिन

Logo
बिहिबार, चैत्र २०, २०७६

विराटनगर । चैत्र २० गते विराटनगर महानगरपालिकाका मेयर भीम पराजुली जन्मदिन मनाउँदै छन् । ४३ बर्ष पुगेर ४४ बर्षमा उक्लेका मेयर पराजुलीलाई उनको जन्मदिन कसरी बिशेष छ, भनेर विहान ११ बजे सम्पर्क गर्यौ । तर उनको २– ३ पटक मोवाइल उठाएनन् । पछि उनैले हामीलाई सम्पर्क गरे । त्यो समय उनी नोबेल शिक्षण अस्पतालमा निशुल्क भोजन कार्यमा ब्यस्त थिए ।
कोरोना भाइरसको संक्रमण रोकथाम र नियन्त्रणको अभियान जारी रहेको बेला मेयर पराजुलीको ब्यस्तता सामान्य नै थियो । तरपनि जन्मदिन भएकाले आजको दिन त बिशेष होला नि भनेर हामीले प्रश्न गर्यौ । यो प्रश्नमा उनको जवाफ थियो, ‘मेरो त्यस्तो केही छैन, कोराना भाइरस निवारण, नगरबासीको कल्याण, बिश्व शान्ति र गरिब दुःखी कै सेवामा समर्पित रहनेछु ।’
बिहिबार मेयर पराजुली एकाविहानै उठे, त्यसपछि नृत्यपुजा उनको दैनिकी हो । पुजा पश्चात आमाको गोडा ढोगेर आर्शिवाद लिए । धार्मिक प्रवृतिका पराजुलीले केही दिनदेखि राम रक्षा स्त्रोत्र पाठ शुरु गरेका छन् । विहान पनि त्यसलाई जारी राखे अनि उनी लकडाउनका कारणले भोकै रहेका गरिबी, अशक्तहरुलाई भोजन बाँड्न घरबाट निस्के ।
केही दिनअघि श्याम परिवारले संयोजन गरेको निशुल्क भोजन वितरण कार्यमा मेयर पराजुली सक्रिय हुँदै आएका छन् । बिहिबार नोबेल अस्पतालमा रहेका बिरामी, कुरुवा, बिचल्लीमा परेका र भोकभौकै परेकालाई भोजन वितरण कार्यक्रम तय गरिएको थियो । यो कार्यक्रम पश्चात उनले जन्मदिन कै अवसरमा सुर्दशन कवच पाठ गर्ने योजना बनाएका छन् । ‘म मानव कल्याणमा समर्पित रहन्छु । नगरबासी, देशबासी, लोककल्याण र यस्तो बिपत्लाई झेल्ने शक्ति प्रदान होस्, सकारात्मक सोचको विकास होस्, भनेर म आफै सुर्दशन कवच पाठ गर्दैछु ।’
सारा बिश्व कोरोनाको महामारीले आक्रान्त छ, यो बेला पुजापाठ गर्ने कि ठोस कार्ययोजनाका साथ अघि बढ्ने, हामीले अर्को प्रश्न राख्यौ । जवाफमा मेयर पराजुली भने, ‘यो बिपत्मा हामीले हाम्रो योजना र काममा केही कसर बाँकी राखेका छैनौ । हामी संघीय सरकारले भन्दा पनि माथि उठेर काम गरेका छौ । लकडाउनको निर्णय हामीले पहिला गर्यौ । सीमा बन्द गर्ने घोषणा हामीले पहिला गर्यौ । स्वास्थ्यकर्मीको इन्सुरेन्सको काम हामीले पहिला गर्यौ । अहिले पनि हाम्रो टिम दिनरात नभनि काममा जुटेको छ । काममा कुनै सम्झौता गरेका छैनौ ।’

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]