विराटनगर । नेपालमा थप एकजनामा कोरोना संक्रमण देखिएको छ । यो संक्रमणसँगै नेपालमा कोरोना संक्रमण हुनेको संख्या ३ पुगेको छ । स्वास्थ्य मन्त्रालयले बुधबार नेपालमा कोरोनाको तेस्रो बिरामी फेला परेको जानकारी दिएको छ ।
स्वास्थ्य मन्त्रालयको वेवसाइटमा बुधबार प्रकाशित विवरण अनुसार शुक्रराज ट्रपिकल तथा सरुवा रोग अस्पतालमा आइसोलेसनमा रहेका एक बिरामीमा कोरोना संक्रमण पोजेटिभ देखिएको हो ।
शुक्रराज ट्रपिकल तथा सरुवा रोग अस्पतालमा ती बिरामी भर्ना भएको बताइएको छ । यस अघि कोरोना संक्रमण देखिएपछि एक किशोरी टेकुमै उपचाररत छिन् । अर्का संक्रमित उपचारबाट स्वास्थ्य भएर फर्किसकेका छन् ।

हालसम्म नेपालमा कूल ६ सय ८७ जनामाथि कोरोनाको परीक्षण गरिसकिएको छ । तीमध्ये ६ सय ८४ जनाको परीक्षण नेगेटिभ आएको स्वास्थ्य मन्त्रालयले जनाएको छ ।