विराटनगर । कोरोना भाइरसका कारण नेपाल भारत सीमा बन्द भएर अलपत्रकालाई नेपाल प्रवेशका लागि एकपल्ट मौका दिइने भएको छ । कोरोना भाइरस रोकथाम तथा नियन्त्रण उच्चस्तरिय समितिको बैठकले सीमामा आवतजावत बन्द गरिएपछि अलपत्र परेका नेपालीलाई एक पटकका लागि देश प्रवेशको मौका दिन लागेको हो ।
तर उनीहरुले स्वास्थ्य जाँच गराएर नेपाल प्रवेश गरेपछि अनिवार्य रुपमाा क्वारेन्टाइनमा बस्नुपर्नेछ । हाल पूर्वको काकडभित्ता र विराटनगरको जोगवनी नाका भारतबाट आएका नेपालीहरु अलपत्र अबस्थामा रहेका छन् । त्यस्तै पश्चिम नाकामा सयौका संख्यामा फर्किएका नेपालीहरु पनि अलपत्र अबस्थामा नै रहेका छन् । सरकारले उनीहरुको नेपाल प्रवेशका लागि प्रदेश सरकारको संयोजकत्वमा संयन्त्र बनाएर घरसम्म पुग्ने वातावरण तयार गर्ने जनाएको छ । गृह र स्वास्थ्य मन्त्रालयसँग समन्वय गरेर जिल्ला प्रशासन कार्यालयले अलपत्र परेकाहरुलाई घर पठाइनेछ ।