विराटनगर । विराटनगर महानगरपालिकाले मंगलबारदेखि नगर क्षेत्र लकडाउन गर्ने घोषणा गरेको छ । महानगरपालिकाले सोमबार पत्रकार सम्मेलनको आयोजना गर्दै कोरोना भाइरसको संक्रमण रोक्न र नियन्त्रण गर्न अनिश्चिकाल सम्मका लागि लकडाउनको घोषणा गरेको हो ।
महानगरपालिका प्रमुख भीम पराजुलीले कार्यपालिकाको बैठकबाट नगरक्षेत्र भित्र लकडाउन गर्ने निर्णय गरेको जानकारी दिए । उनले सञ्चारकर्मीहरुसँग भने,‘कोरोनाको कारणले भोलिका दिनमा भयावह अबस्था नआओस् भनेर यो निर्णय गरिएको हो । सीमामा समेत लकडाउन भएको छ । हामीले सबै सरोकारवाला निकायलाई बोलाएर छलफल गरे अनुसार लकडाउन गरेका हौ ।’
यसैबीच नगरका बिभिन्न संघ संस्थाले बिज्ञप्ति जारी गर्दै विषम् परिस्थितमा सचेत रहन आग्रह गरेको छ ।