विराटनगर । युवा गायक युवराज चौलागाई नयाँ गीतको म्युजिक भिडियो सार्वजनिक गरेका छन् । गायक चौलागाईको देउतालाई भाकी सात फेरो लगाएको नामक गीतको भिडियो शुक्रबार सार्वजनिक गरिएको हो । मायाप्रेममा आधारित सो गीतले बियोगान्त भाव दर्शाएको छ ।
कौशिला खनाल कर्माचार्यको शब्द रहेको सो गीतको संगीत भने चौलागाई आफैले दिएका छन् । चर्चित म्युजिक भिडियो निर्देशक भुषण दाहालको निर्देशन रहेको सो गीतको कोरियोग्राफी जीवन रिजालले गरेका छन् । म्युजिक भिडियोमा चौलागाईलाई अभिनेत्री मेनुका प्रधानले साथ दिएकी छन् ।