विराटनगर । सामाजिक क्षेत्रमा सक्रिय विराटनगरका युवाहरुको एक समूहले शुक्रबार ६ सय थान सेनिटाइजर वितरण गरेको छ । विगत केही दिनदेखि सेनिटाइजर वितरणमा सक्रिय सो समूहले विराटनगरका बिभिन्न स्थानमा सेनिटाइजर वितरण गरेको हो ।
युवा अभियन्ता पेरिस सुवेदीका अनुसार शिक्षादिप कलेज, जनरल अस्पताल एण्ड ट्रमा सेन्टर, भवेश पौडेल र दिपेन मारिकको सहयोग प्राप्त सेनिटाइजर वितरण गरिएको हो । सो समूहले जिल्ला प्रहरी कार्यलय मोरङलाई दुईसय ३० थान, वडा प्रहरी विराटनगरलाई ८० थान, ट्राफिक प्रहरी कार्यलयलाई ४० थान, पुर्वान्ञ्चल बाल गृहलाई ९० थान, जेष्ठ नागरिक समाजलाई ४० थान, मानव सेवा आश्रमलाई ३० थान र सडक खटिएका प्रहरी र स्वयंसेवकलाई ४५ थान सेनिटाइजर वितरण गरिएको थियो ।