विराटनगर । नेपाली काँग्रेसले आयोजना गरेको चुनावी सभा शुरु भएको छ । केही बेर अघि मात्र हेलिकप्टरबाट पार्टी सभापति तथा प्रधानमन्त्री शेरबहादुर देउवा विराटनगर आएपछि चुनाबी सभा शुरु भएको हो ।
चुनावी सभामा बरिष्ठ नेता रामचन्द्र पौडेल, डा.शेखर कोइराला, डा.मिनेन्द्र रिजाल लगायतका नेताहरुले सम्बोधन गर्ने कार्यक्रम रहेको छ । चुनावी सभामा केन्द्रीय नेताले बोल्ने क्रम शुरु भएको छ ।
सभामा बोल्दै कांगेसका केन्द्रीय सदस्य अमृत अर्यालले नेपाली कांग्रेसले खडा गरेका उम्मेदवारले विराटनगरलाई काँधमा बोकेर हिड्न सक्ने शक्ति राख्ने बताए । उनले कांग्रेसबाटै विकास सम्भंव भएको जीकिर गरे ।
त्यस्तै विराटनगरका निवर्तमान मेयर तथा केन्द्रीय सदस्य भीम पराजुलीले विराटनगरको विकासमा केपी ओलीको सरकार बाधक भएको बताए । उनले विराटनगरका बिभिन्न योजनामा ओलीको सरकारले बजेट कटौती गरेको बताए ।
