सुनसरी । इनरुवा नगरपालिका वडा नम्बर ३ बाट वडाध्यक्षका उम्मेदवारी दिएका पर्शुराम चौधरी नेपाली कांग्रेसमा प्रवेश गरेका छन् । चौधरीले जनता समाजवादी पार्टी (जसपा)बाट उम्मेदवारी दिएका थिए ।
मंलगबार आयोजित एक कार्यक्रममा नेपाली कांग्रेसका केन्द्रीय सदस्य राजीब कोइरालाले चौधरीलाई पार्टी प्रवेश गराएका थिए । पार्टी प्रवेश गरेका चौधरीले आफुले कांग्रेसबाट वडाध्यक्षमा उम्मेदवारी दिएका रोसनकुमार खड्कालाई सहयोग गर्ने बताउँदै बाँकी राजनीतिक जीवनमा कांग्रेस मै समर्पित गर्ने बताए । प्रवेश कार्यक्रममा बोल्दै केन्द्रीय सदस्य कोइरालाले चुनावमा कांग्रेसका उम्मेदवारलाई जिताउन सबैलाई आग्रह गरे ।
सो वडाबाट वडा सदस्य पदमा कांग्रेसबाट उम्मेदवार दिएका राकेश निरौलाले चौधरीसँगै उनको टिम नै कांग्रेसमा प्रवेश गरेको विराटपथलाई बताए ।