छोराका प्रचारमा जुटे जसपा अध्यक्ष उपेन्द्र यादव

Logo
आइतबार, बैशाख १८, २०७९

विराटनगर । जनता समाजवादी पार्टी (जसपा) का अध्यक्ष उपेन्द्र यादव छोराको चुनावी प्रचारका लागि विराटनगर आएका छन् । अध्यक्ष यादवका छोरा अमरेन्द्र यादव जसपाबाट विराटनगर महानगरपालिकाको उपमेयरका प्रत्यासी हुन । कांग्रेससँग गठबन्धन गरेर जसपाले विराटनगरमा उपमेयर पदमा उम्मेदवारी दिएको थियो ।
अध्यक्ष यादव दुई दिनदेखि विराटनगरमा भेटघाटमा ब्यस्त छन् । स्थानीय तहको निर्वाचनको माहौल तातेका बेला उनलाई राजनीतिक भेटघाटलाई तिब्रता दिएका छन् । ‘वहाँ दुई दिनदेखि यतै हुनुहुन्छ । राजनीतिक भेटघाट लगायतका प्रचारप्रसारको काममा ब्यस्त हुनुहुन्छ ।’ प्रदेश १ का स्वास्थ्यमन्त्री जयराम यादवले विराटपथसँग भने, ‘आजपनि वहाँको विराटनगरमा बिभिन्न कार्यक्रम रहेको छ । कार्यक्रमहरु सकेर आजै वहाँ काठमाण्डौ जानुहुन्छ ।’
अध्यक्ष यादवले आइतबार विहान नेपाली कांग्रेसका नेता डा.शेखर कोइरालासँग भेटघाट गरेका थिए । खासगरि विराटनगरको चुनावी तालमेलका बिषय र पार्टीबाट खडा भएका उम्मेदवारलाई कसरी बिजय बनाउने भन्ने बिषयमा उनीहरु बीचमा कुराकानी भएको थियो । भेटमा प्रदेश १ का स्वास्थ्यमन्त्री जयराम यादव, जसपाका मोरङ अध्यक्ष राजकुमार यादव, उपमेयरका उम्मेदवार अमरेन्द्र यादव लगायतको उपस्थिति रहेको थियो ।
विराटनगरमा कांग्रेस र जसपाबीच चुनावी तालेमेल भएको छ । तर जसपाबाट बिद्रोह गरेर मेयरमा उमेश यादव तथा माओवादी केन्द्रबाट बिद्रोह गरेर उपमेयरमा नमिता न्यौपानेले उम्मेदवार बनेका छन् । दुबै बिद्राही उम्मेदवारले कांग्रेस र जसपाका उम्मेदवारलाई असर गर्न सक्ने उनीहरुको बिश्लेषण रहेको छ ।
उमेश र नमिता २०७४ निर्वाचनमा मेयर र उपमेयरका प्रत्यासी थिए । तत्कालिन संघीय समाजवादी फोरमबाट उम्मेदवार बनेका उमेशले १४ हजार ९ सय ५८ मत ल्याएका थिए भने माओवादी केन्द्रबाट उम्मेदवार बनेकी नमिताले ११ हजार ५ सय २४ मत ल्याएकी थिइन् ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]