विराटनगर । नेकपा एमालेले विराटनगर महानगरपालिकाको मेयरमा सागर थापालाई उम्मेदवार बनाउने भएको छ । निक्कै लामो रस्साकस्सीबीच एमालेको विराटनगर नगर कमिटि अध्यक्ष समेत रहेका थापालाई मेयरको उम्मेदवार बनाउने निर्णय गरिएको हो । यसैगरि उपमेयरको टिकट भने शिल्पा निरौला कार्कीले पाएकी छन् ।
नगर कमिटिले केन्द्रीय सदस्य रामलाल साह, जिल्ला उपाध्यक्ष बाबुराम कार्की, प्रदेश कमिटी सदस्य पर्शुराम बस्नेत र महेश भट्टराई र महानगर कमिटि अध्यक्ष सागर थापाको नाम सिफारिस गरेको थियो । त्यस्तै प्रदेश कमिटीले भने केन्द्रीय सदस्य जीवन घिमिरेको नाम समेत पठाएको थियो ।
त्यसै गरी उपमेयरमा शिल्पा कार्की, विमला दाहाल (घिमिरे) र अन्जु उपाध्याय (शिवा) को नाम सिफारिस गरेको थियो ।
