विराटनगर । जनता समाजवादी पार्टी (जसपा) का अध्यक्ष उपेन्द्र यादवका छोरा विराटनगरको उप मेयरका लागि उम्मेदवारमा सिफारिस भएका छन् । सत्तारुढ गठबन्धनमा उनले कांग्रेसका मेयरसँग तालमेल गर्दै चुनावी मैदानमा होमिनेछ ।
चुनावी तालमेलको क्रममा जसपाले अध्यक्ष यादवका छोरा अमरेन्द्रलाई आइतबार राती उप मेयरका लागि पार्टीको उम्मेदवार बनाएको हो । पार्टीका केन्द्रीय कार्यालय प्रमुख प्रकाश अधिकारीद्धारा जारी बिज्ञप्तिमा पार्टीको मुख्यालयमा बसेको बैठकले अमरेन्द्रलाई विराटनगरमा उप मेयर र बीरगञ्ज महानगरपालिको मेयरमा राजेशमान सिंहलाई उम्मेदवार बनाउने निर्णय गरिएको जनाइएको छ ।