विराटनगर । नेपाली कांग्रेसले विराटनगर महानगरपालिकाको मेयरमा नागेश कोइरालाको नाम लगभग सहमति नजिक पुगेको छ । उनी नेपाली कांग्रेस मोरङका उप सभापति हुन । कोइरालाको पक्षबाट कांग्रेस नेता डा.शेखर कोइरालाले लबिङ गर्दै आएका थिए ।
मेयरमा कोइरालासँगै बर्तमान मेयर भीम पराजुली र कांग्रेस केन्द्रीय सदस्य अमृत अर्यालबीच कडा प्रतिष्पर्धा रहेको थियो । पराजुलीको पक्षमा नेता कृष्ण सिटौला र अर्यालको पक्षमा पार्टी अध्यक्ष शेरबहादुर देउवाले लबिङ गर्दै आएका थिए ।
कांग्रेस विराटनगरका नगर सभापित दीपक चापागाईले मेयरमा कोइरालाको नाम सिफारिस गरिएको बताए । ‘आधिकारिक रुपमा जानकारी आउन बाँकी छ । बिज्ञप्ति मार्फत जानकारी आउँला ।’ चापागाईले विराटपथसँग भने, ‘टिकट नागेशजीले पाउनु भएको जानकारी हामीले पाएका छौ ।’
यता दावेदार कोइरालाले भने आफ्नो पक्षमा माहोल बन्दै गएको र केही समयपछि उम्मेदवारीको टुंगो लाग्ने बताए । ‘अहिले नै टिकट पाए भन्न हतार होला तर मेरो नाममा सहमति हुने संम्भावना छ ।’ उनले भने ।
