ओलीलाई हराउन पाँच दलीय गठबन्धन : नेपाल

Logo
सोमबार, चैत्र २१, २०७८

विराटनगर । नेकपा एकीकृत समाजवादीका अध्यक्ष माधवकुमार नेपालले एमाले अध्यक्ष केपी ओलीलाई हराउन पाँच दलीय गठबन्धको तालमेल गरेर निर्वाचनमा जान लागेको बताएका छन् । एमाले अध्यक्ष ओली सबैका लागि घाँडो भएको बताउँदै नेपालले उनी परिवर्तन विरोधी समेत भएको उल्लेख गरे ।
सोमबार विराटनगर विमानस्थलमा पत्रकारसँगको कुराकानीमा अध्यक्ष नेपालले भने, ‘देशका निम्ति, लोकतन्त्र र संविधानका निम्ति केपी ओली घाँडो हुन् । वामपन्थीको खास्टो ओढेर अधिनायकवादका रूपमा उदय भएका ओलीलाई स्थानीय तहको चुनावबाटै परिवर्तनशील शक्तिले परास्त गर्न जरुरी छ ।’
आगामी वैशाख ३० गते हुने स्थानीय तहको निर्वाचनमा मिल्नेसम्म गठबन्धन हुने उनले बताए । नेपालले भने, ‘आवश्यकताका आधारमा कहाँसम्म मिल्छ, त्यहाँसम्म गठबन्धन हुन्छ ।’ नेपाली कांग्रेसभित्र स्पष्टरूपमा दुई धार रहेको बताउँदै नेपालले गठबन्धन गर्नुपर्छ भन्नेलाई सँगै लैजानुपर्ने र नगरौँ भन्नेलाई एक्लै उठ्न दिनुपर्ने बताए । नेपालले गठबन्धनको विषयमा कांग्रेसभित्र निर्वाचनको बिषयमा दुई धार देखिएको समेत प्रष्ट पारे ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]