विराटनगर । नेपाली क्रिकेटका मुख्य प्रशिक्षक पुबुदु दसानायकेले नेपालको क्रिकेट टिम अहिले उत्कृष्ट रहेको बताएका छन् । आफु युवा खेलाडीको खेलबाट आफू प्रभावित भएको बताउँदै उनले खुसी रहेको उल्लेख गरेका छन् ।
सोमबार पपुवा न्यूगिनी (पीएनजी) सँग हुने फाइनल खेलअघि आइतबार आयोजित पत्रकार सम्मेलनमा प्रशिक्षक पुबुदुले भने, ‘युवा खेलाडीको खेल देखेर खुसी छु नेपालको अहिले बेस्ट टिम छ ।’ सो पत्रकार सम्मेलनमा नेपाली क्रिकेट टिमका कप्तान सन्दीप लामिछानेले पीएनजीसँग हुने टी–२० त्रिदेशीय क्रिकेट सिरिजको फाइनल खेल दबाव विना खेल्ने बताए । लामिछानेले सिरिजका अरु खेलमा जस्तै खेल्ने बताउँदै खेलमा कुनै प्रेसर नलिने समेत उल्लेख गरे । उनले सिरिजका क्रममा घाइते भएका कमल सिंह ऐरीको अभाव भने महसुस हुने बताए ।
पीएनजीका कप्तान अस्वत भालाले फाइनल खेललाई लिएर केही दबाव महसुस भएको बताए