News flash

विराटपथ

आइतबार, चैत्र २०, २०७८

विराटनगर । सरकारले अन्तर प्रदेश चल्ने लामा दूरीका सार्वजनिक सवारीको भाडा बढाएको छ । सरकारले सार्वजनिक सवारीको भाडा १५ प्रतिशतसम्म बढाएको हो । यातायात व्यवस्था विभागले भौतिक पूर्वाधार तथा यातायात मन्त्रालयको निर्णय अनुसार यात्रुबाहक सवारी साधनमा भने भाडा १० प्रतिशतले बढाएको छ ।
पहाडमा मालबाहक सवारीका लागि १३ प्रतिशतले भाडा बढेको छ भने तराईमा १५ प्रतिशतका दरले भाडा बढेको छ । पेट्रोलियम पदार्थमा लगातार भइरहेको मूल्य वृद्धिलाई आधार बनाएर मन्त्रालयले लामो दूरीमा चल्ने सवारीको भाडा बढाउने निर्णय गरेको हो । सरकारले भाडा बढाउने निर्णय गरेपछि प्रदेश सरकारहरुले पनि मध्यम र छोटो दूरीका सवारीको भाडा बढाउने छन् ।
मन्त्रालयले यात्रुबाहक तथा मालबाहकसहित पहाडी तथा तराई क्षेत्रका भूगोलअनुसार १० देखि १५ प्रतिशतसम्म भाडा बढाउने निर्णय गरेको छ । मन्त्रालयले अब पेट्रोलियम पदार्थमा न्यूनतम ५ प्रतिशत मूल्य घटबढ हुनासाथ सार्वजनिक सवारीको भाडा समायोजन गर्ने निर्णय गरेको छ ।
भाडा बढेसँगै अब विराटनगर काठमाण्डौको भाडादर १४३९ रुपैया पुगेको छ । त्यस्तै विराटनगर कटारी ४९८, विराटनगर कलैया ८६४, विराटनगर गाइघाट ४१३, विराटनगर जनकपुर ५७६ रुपैया कायम भएको छ । त्यस्तै विराटनगर दाङ १७७०, विराटनगर नारायणगढ १०४४, विराटनगर पोखरा १४०६, विराटनगर भैरहवा १३६३, विराटनगर राजविराज २६३ र विराटनगर महेन्द्रनगर २२०२ रुपैया भएको छ ।

सम्बन्धित

मत-अभिमत

प्रदेश १ को नाम के राख्दा उपयुक्त होला ?

View Results

Loading ... Loading ...

लार्ज मिडिया प्रा. लि.

सूचना बिभाग दर्ता नं.  २८७८ / २०७८–०७९
ठेगाना :  विराटनगर महानगरपालिका – ९, शान्तिचोक
सम्पर्क :  ९८५१०५२८११/ ९८०४००५०००
इमेल :   [email protected]

टिम

अध्यक्ष  : सुष्मा श्रेष्ठ
सल्लाहकार सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल