विराटनगर । स्वास्थ्य तथा जनसंख्या राज्यमन्त्री उमेश श्रेष्ठले सुरक्षा बाहेक अन्य सरकारी सुविधा नलिने घोषणा गरेका छन् । राज्यमन्त्री श्रेष्ठले सोमबार आफ्नो १०० दिने कार्ययोजना सार्वजनिक गर्दै सो घोषणा गरेका हुन ।
श्रेष्ठले मन्त्री पदमा रहुन्जेल आफु संंग्लन ब्यवसायिक संस्थाबाट समेत अलग हुने जनाएका छन् । राज्यमन्त्री श्रेष्ठले मन्त्री पदमा रहँदा सरकारी सुविधाबाट पाउने पारिश्रमिक, सवारी साधन र आवासको सुविधा नलिने जानकारी दिए । प्रधानमन्त्रीमा शेरबहादुर देउवा नियुक्त भएपछि साउन १० गते श्रेष्ठ राज्यमन्त्री भएका थिए ।