विराटनगर । सञ्चारकर्मी चन्द्र न्यौपानेको कोरोना संक्रमणका कारण निधन भएको छ । न्यौपानेको उपचारका क्रममा शुक्रबार विहान साढे ८ बजे विराट मेडिकल कलेजमा निधन भएको हो ।
उनी लामो समयदेखि इटहरीबाट सञ्चालन हुँदै आएको सप्तकोशी एफएममा आबद्ध थिए । उनी सप्तकोशी एफएमको स्टेशन म्यानेजर हुन । रेडियोकर्मी न्यौपाने ब्रोडकास्टिङ एसोसिएसन (बान) को अध्यक्ष समेत हुन । कोरोना संक्रमणबाट गम्भीर भएपछि उनलाई बैशाख २८ गते विराट मेडिकल कलेज भर्ना गरिएको थियो ।
५० बर्षिय न्यौपानेको इटहरीका स्थायी बासिन्दा हुन । न्यौपानेको श्रीमति एक छोरा र एक छोरी छन् ।