विराटनगर । विराटनगरको घिनाघाटमा रहेको सिंघिया खोलामा फेला परेको महिलाको शवको पहिचान खुलेको छ । जिल्ला प्रहरी कार्यालय मोरङ डिएसपी मानबहादुर राईका अनुसार मृतक विराटनगर – ३ बस्ने ४३ बर्षिया सुमित्रा खतिवडा रहेकी छन् ।
मंगलबार दिउँसो खोलाको घोप्टो परेको अबस्था खतिवडाको शव फेला परेको थियो । निर्माणाधिन पुलको जग खन्दा जमेको पानीमा शव फेला परेको थियो । खोलामा पानीको वहाव पनि निक्कै कम रहेको छ । डिएसपी राईले शवलाई पोष्टमार्डमका लागि कोसी अस्पताल लगिएको बताए । मृतकको घर खोला आसपास क्षेत्रमै रहेको छ । उनी डिप्रेसनको औषधी सेवन गर्दै गरेको र शरिरमा कुनै चोट नरहेका कारण आत्महत्या गरेको हुन सक्ने आशंका गरिएको छ ।
