विराटनगर । विराटनगरको घिनाघाटमा रहेको सिंघिया खोलामा एक महिलाको शव फेला परेको छ । मंगलबार दिउँसो खोलाको घोप्टो परेको अबस्था महिलाको शव फेला परेको हो ।
निर्माणाधिन पुलको जग खन्दा जमेको पानीमा शव फेला परेको हो । खोलामा पानीको वहाव पनि निक्कै कम रहेको छ । जिल्ला प्रहरी कार्यालय मोरङ डिएसपी मानबहादुर राई पानीमा डुबेको अबस्थामा शव फेला परेको बताए । उनले शव पानीबाट निकाल्ने काम भइरहेको समेत जनाए ।
शवको अहिलेसम्म पहिचान हुन सकेको छैन । डिएसपी राईले घटनाका बिषयमा अनुसन्धान शुरु गरेको बताउँदै अहिले नै हत्या हो वा आत्महत्या भन्न नसकिने जनाए ।
