इनरुवा । जिल्ला प्रशासन कार्यालय सुनसरीले इनरुवाको वडा नम्बर २ लाई सिल गर्न स्थानीय तहलाई आग्रह गरेको छ । प्रशासन कार्यालयले सूचना जारी गर्दै इनरुवा नगरपालिका साविकको वडा नम्बर ८ लाई सिल गर्न स्थानीय तहलाई भनेको छ ।
बुधबार जारी गरिएको सूचनामा सो वडामा मंगलबार ३५ बर्षिय पुरुषको कोरोना संक्रमणका कारण मृत्यु भएको जनाइएको छ । उक्त क्षेत्रका लगभग प्रत्येक घरमा संक्रमित पाइएकाले उक्त क्षेत्र कोरोना संक्रमणको जोखिम रहेकाले सिल गरि दिन सिफारिस भई आएका कारण सिल गर्नुपर्ने भएको जिल्ला प्रशासन कार्यालय सुनसरीले जनाएको छ ।
प्रशासन कार्यालयले स्थानीय स्तरको जोखिम हेरेर चार क्षेत्र उल्लेख गरि नेपाल प्रहरीको सहयोग लिएर सिल गर्न स्थानीय तहलाई भनेको छ ।