विराटनगर । मोरङको रंगेली नगरपालिकामा भएको हत्या प्रकरणमा प्रहरीले ४ जनालाई पक्राउ गरेको छ । बुधबार रंगेली नगरपालिका–३ को नहरखण्डमा हत्या गरी फालिएको अवस्थामा २४ वर्षीय महिलाको शव फेला परेको थियो । प्रहरीका अनुसार घाँटी रेटिएर फालिएको अबस्थामा २४ बर्षिया अनिता यादवको शव फेला परेको थियो ।
जिल्ला प्रहरी कार्यालय मोरङ श्रोतका अनुसार घटनामा संलग्न भएको आरोपमा मृतकका पति, सासु, ससुरा र देवरलाई पक्राउ गरिएको छ । उनीहरु माथि अनुसन्धान थालिएको प्रहरीको भनाई छ ।
रंगेलीको रन्जनीमा घर भएकी २४ बर्षिया यादवको घाँटी रेटेर हत्या गरिएको अबस्थामा रंगेली ३ मा पर्ने तिलुवा चोकस्थित नहरमा शव फेला परेको थियो । मृतकको घर घटनास्थल भन्दा करिब करिब दुई किलोमिटर टाढा मात्रै छ । यादवको शव उत्तानो परेको अबस्थामा फेला परेको थियो ।
