सुनसरी । सुनसरीको इटहरी उपमहानगरपालिकाको एक बस्तीका सबै बासिन्दामा कोरोना संक्रमण पुष्टि भएको छ । बस्तीका बासिन्दाहरु बिरामी भएपछि उनीहरुमा कोरोना संक्रमण देखिएको हो ।
इटहरी ३ को सुनौलो टोलमा बसोबास गर्दै आएकाहरु बिरामी भएकाहरुमा कोरोना परिक्षण गर्दा उनीहरुमा संक्रमण देखिएको इटहरी उपमहानगरपालिकाकी उपमेयर लक्ष्मी गौतमले जानकारी दिइन् । गौतमसहित स्वास्थ्यकर्मीको समूहले टोल मै गएर एन्टिजिन परिक्षण गर्दा कोरोना संक्रमण देखिएको थियो ।
समुदायमा गएर ९ जनाको एन्टिजिन बिधिबाट परिक्षण गर्दा ७ जनाको रिपोर्ट पोजेटिभ आएको हो । गाँउमा कोरोना संक्रमण रहेको पुष्टि भए पछि सुनौलो टोल सिल गरिएको छ । त्यहाँ एउटै टोलका २५ जना बिरामी परेका थिए । ७ घर का २५ जनामा ज्वरो, खोकी, पखाला लागेर बिरामी भएका र त्यसमा ९ जनामा परिक्षण गर्दा ७ जनामा संक्रमण देखिएको हो ।
