सोलुखुम्बु । बिश्वको सर्वोच्च शिखर सगरमाथा आरोहण गर्ने क्रममा २ जना बिदेशी नागरिकको मृत्यु भएको छ । मृत्यु हुने अमेरिका र स्वीजरल्याण्डका नागरिक रहेका छन् । उनीहरुको हिउँमा चिप्लिएर मृत्यु भएको प्रहरीले जनाएको छ ।
बिहिवार दिउँसो सगरमाथा आरोहण गरेर फर्कने क्रममा ३४ बर्षिय अमेरिकी नागरिक पुवेइलयुको मृत्यु भएको थियो । उनको पासपोर्ट नम्बर ६४२७३५७२ रहेको छ । प्रहरीले उनको मृत्यु सगरमाथा ४ नम्बर बेसक्याम्प छेउमा भएको जनाएको छ । त्यसैगरि सगरमाथा आरोहणका लागि हिडेका स्वीजरल्याण्डका ४१ बर्षिय नागरिक अब्दुलवाहिद अवाराईचको सोही स्थानमा हिउँमा चिप्लिएर मृत्यु भएको छ ।
मृतक दुवै जनाको उद्धारको लागि जिल्ला प्रहरी कार्यालय सोलुखुम्बुले पहल गरिरहेको प्रदेश १ प्रहरी कार्यालय विराटनगरले जनाएको छ ।