विराटनगरमा कोरोना संक्रमणले आमा – छोराको मृत्यु, पुरै परिवार संक्रमित

Logo
बिहिबार, बैशाख ३०, २०७८

विराटनगर । विराटनगरमा कोरोना संक्रमणका कारण मृत्यु हुनेको संख्या दिनहुँ बढ्दै गएको छ । कोरोनाका कारण विराटनगर – ३ का आमा – छोराको मृत्यु भएको छ । मारवाडी समूदायका उनीहरु विराटनगरमा लामो समयदेखि सुनचाँदीको कारोबार गर्दै आएका छन् । पारिवारिक श्रोतका अनुसार उनीहरुको पुरै परिवारमा कोरोना संक्रमण रहेको छ । बुवालाई घर मै अक्सिजन दिएर राखिएको छ ।
‘केही दिन अघि वहाँको परिवारको दुई जना उपचारका लागि विराट नर्सिङ होम गएका थिए । त्यहि गएपछि कोरोना संक्रमणको लक्षण देखा पर्न थाल्यो ।’ मृतकका आफन्तले विराटपथसँग भने, ‘पुरै परिवारलाई संक्रमण छ । बुवाको अबस्था जटिल भएपछि आज अक्सिजन दिएर राखेका छौ ।’
मृतक आमालाई बैशाख १६ गते कोरोना सङ्क्रमण पुष्टि भएको थियो । उनको उपचारका क्रममा विराटनगर अस्पतालमा बुधबार साँझ ७ः३० बजे मृत्यु भएको थियो । छोराको बिहीबार दिउँसो करिब २ बजे मृत्यु भएको हो । कोरोना सङ्क्रमण पुष्टि भएपछि आमा छोरा नै विराटनगर अस्पतालमा भर्ना भएका थिए । आमाको उमेर ६० बर्ष हो भने, छोरा ४२ बर्षिय हुन । मृतक आमा छोरा कै शव ब्यवस्थापनको कार्य बरगाछी युवा समूहका अभियानकर्मीले गरेका छन् ।
बुधबार राति मृत्यु भएकी आमालाई मृतकका कान्छा छोराले अन्तिम संस्कार गरेका थिए । दाजुको अन्तिम संस्कार भने उनैका १७ बर्षिय छोराले सिंघिया घाटमा गरेका छन् । अस्पतालका अनुसार उपचारकै क्रममा स्वास्थ्य अवस्था थप जटिल बन्दै गएकी वृद्धा महिलाको भेन्टिलेटरमा उपचार भइरहेको थियो । गम्भीर अवस्थामा वैशाख – २३ गते अस्पताल भर्ना भएका ४२ वर्षीय छोराको अक्सिजन सपोर्टमा उपचारका क्रममा मृत्यु भएको हो ।
फाइल फोटो

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]