विराटनगर । विराटनगरका युवा ब्यवसायी सुनिल टिवडेवालाको अन्तिम संस्कार गरिएको छ । ४५ बर्षिय टिवडेवालाका विराटनगरस्थित सिंघयाघाटमा अन्तिम दाहसंस्कार गरिएको हो । दाहसंस्कारमा उनका परिवारका सदस्य, मोरङ ब्यापार संघका पदाधिकारी र राजनीतिकर्मीको उपस्थिति रहेको थियो ।
मोरङ ब्यापार संघका कार्यकारणी सदस्य तथा सल्लाहकार टिवडेवालाको शव ब्यवस्थापनमा बरगाछी युवा समूहका ५ जना युवाले सहयोग गरेका थिए । सोमबार विहान कोरोना संक्रमणका कारण निधन भएका टिवडेवालाको शव ब्यवस्थापनमा बरगाछीका युवा रविन कार्की, राम नेपाल, दृश्यमान शाक्य, अनुराग भण्डारी र संयोग गौतमले सहयोग गरेका थिए । शव ब्यवस्थापनमा सक्रिय राम नेपालले विराटपथसँग भने, ‘हामीले वहाँको परिवारको आग्रह अनुसार शवको ब्यवस्थापन गरेका हौ । अस्पतालदेखि सिंघियाघाट सम्म शव ब्यवस्थापनमा हामीले सहयोग गर्यौ ।’
एक साता अघि उनमा कोरोना संक्रमण पुष्टि भएको थियो । उनको हाइटेक कार्पेट र एसटी फेब्रिक्स कार्पेट गरि दुई कार्पेट कम्पनी सञ्चालनमा रहेको छ ।