विराटनगर । पछिल्लो समय नेपाली काँग्रेसको भातृ संगठन नेपाल तरुण दलमा युवाहरुको आबद्धता हुने क्रम बढेर गएको छ । तरुण दल विराटनगर नगर समितिको सक्रियतामा करिब एक सय भन्दा बढी युवाहरु नेपाल तरुण दलमा प्रवेश गरेका छन् ।
तरुण दल विराटनगर नगर समितीका सदस्य रिर्चड गौतमका अनुसार केही महिना अघि युवा संघ नेपालमा प्रवेश गरेका लक्ष्मण नेपालको नेतृत्वमा बिनोद कार्की, सुभाष बिक, आकाश खतिवडा, अमनकुमार राय र रोहित राय लगायतका युवाहरुको समूह तरुण दलमा प्रवेश गरेको छ । नवप्रवेशी युवालाई नेपाली काँग्रेसका केन्द्रीय सदस्य डा. शेखर कोइरालाले एक समारोहका बीच स्वागत गरेका थिए । नेपाली काँग्रेस वडा समिति ५ ले आयोजना गरेको कार्यक्रममा अंकित भण्डारी, सिजन राई, विवेक बस्नेत, ईश्वरमान सिंह अधिकारी, शक्ति तिवारी, कृष्ण शर्मा, सरोज यादव, अनिल यादव लगायतका युवाको समूह समेत तरुण दलमा प्रवेश गरेको थियो ।
नयाँ बर्षको अवसर पारेर गरिएको सो कार्यक्रममा नेपाली काँग्रेसका केन्द्रीय सदस्य हरि न्यौपाने, जिल्ला सचिव नागेश कोइराला, मोदराज घिमिरे, दिपक चापागाई लगायतको उपस्थिति रहेको थियो ।