विराटनगर । प्रदेश १ मा बिहिबार १६ जना कोरोना संक्रमित थपिएका छन् । जसमध्ये विराटनगरमा मात्र ८ जना नयाँ संक्रमित थपिएका हुन ।
प्रदेश १ अन्तरगत मोरङमा ८, सुनसरीमा ६, झापा र प्रदेश १ बाहिरका १–१ जनामा कोरोना संक्रमण देखिएको सामाजिक विकास मन्त्रालयले जनाएको छ ।
मन्त्रालयका अनुसार मोरङको विराटनगरमा ८, सुनसरीको इटहरीमा ३, देवानगञ्ज, बर्जु र धरानमा १–१, झापाको कमलगाउँपालिकामा १ र प्रदेश १ बाहिरका १ जना रहेका छन् । प्रदेश १ मा हालसम्म कोरोना संक्रमितको संख्या ३० हजार ५सय ३२ पुगेको छ । संक्रमितमध्ये २९ हजार ८७० संक्रमणमुक्त भएका छन् । १९५ जना संक्रिय संक्रमित रहेको मन्त्रालयले जनाएको छ ।