कोरोना संक्रमित थपिदै गए, विराटनगरमा ६ जनामा संक्रमण

Logo
शनिबार, चैत्र २८, २०७७

विराटनगर । पछिल्लो समय कोरोना संक्रमितको संख्या दैनिक रुपमा बढ्न थालेको छ । प्रदेश १ मा शनिबार २१ जना नयाँ कोरोना संक्रमित थपिदा विराटनगरमा ६ जना नयाँ संक्रमित फेला परेको सामाजिक विकास मन्त्रालयले जनाएको छ ।
मन्त्रालयका अनुसार मोरङमा १०, झापामा ६, सुनसरीमा ४ र प्रदेश १ बाहिरका १ जना रहेका छन् । मोरङको विराटनगरमा ६, पथरीशनिश्चरे, सुन्दरहरैचा, केराबारी र स्थानीय तह नखुलेका एक–एक जनामा संक्रमण भेटिएको छ । त्यस्तै झापाको दमकमा ४, विर्तामोड र भद्रपुरमा एक–एक, सुनसरीको धरानमा २, इटहरी र दुहवीमा एक–एक र प्रदेश १ बाहिरका एकजनामा संक्रमण देखिएको छ । प्रदेश १ मा हालसम्ममा ३० हजार ४३८ जनामा संक्रमण देखिएको छ ।
प्रदेश १ मा शनिबार एकसय ९५ जनाको पीसीआर परीक्षण गर्दा सात महिला र १४ पुरुषको रिपोर्ट पोजेटिभ आएको हो । हालसम्म दुई लाख ३२ हजार नौसय ५३ जनाको पीसीआर परीक्षण गरिएको सामाजिक विकास मन्त्रालयले जनाएको छ ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]