संसद पुर्नस्थापना हुन्छ भन्ने मलाई थाहा थियो : देउवा

विराटनगर । नेपाली काँग्रेसका सभापति शेरबहादुर देउवाले आफुलाई संसद पुर्नस्थापना हुन्छ भन्ने कुरा अगाडी नै थाहा भएको बताएका छन् । काठमाण्डौमा आयोजित एक कार्यक्रममा बोल्दै सभापति देउवाले आफुलाई केही दिन अघि नै संसद पुर्नस्थापना हुन्छ भन्ने थाहा भएपनि अदालतमा विचारधीन मुद्धामा बोल्न नहुने कारण आफु चुप बसेको उल्लेख गरे ।
महेन्द्र नाराणण निधिको जन्मजयन्तीको अवसरमा बुधबार आयोजित कार्यक्रममा बोल्दै देउवाले भने, ‘ अदालतले के गर्ला, अलि अगाडी नै थाहा थियो, अन्दाज भैसकेको थियो । संसद पुर्नस्थापना हुन्छ भनेर तैपनि हामीले बोलेकै हौ, यो कदम अलोकतान्त्रिक हो ।’