चैत्र अन्तिम साताबाट विराट गोल्डकप हुने

आयोजक समितिको संयोजकमा शाह
Logo
शनिबार, फाल्गुण ०१, २०७७

विराटनगर । विराट गोल्डकप फुटबल प्रतियोगिता आयोजक समितिको संयोजकमा युवा ब्यवसायी तथा सामाजिक अभियन्ता मनोजबिक्रम शाह चयन भएका छन् । शनिबार विराट गोल्डकप फुटबल ट्रस्टले शाहलाई गोल्डकप आयोजना गर्ने जिम्मेवारी प्रदान गरेको हो । उनी ट्रस्टका सदस्य समेत हुन ।
शाहले गोल्डकप आयोजना गर्ने जिम्मेवारी पाएसँगै यो बर्ष विराट गोल्डकप फुटबल प्रतियोेगिता चैत्र महिनाको अन्तिम साताबाट गर्ने तयारी शुरु गरिएको छ । संयोजक शाहले आयोजक समितिलाई केही दिन भित्रमा नै पूर्णता दिने बताउँदै यस बर्ष रात्रीकालिन फुटबल हुने जानकारी दिए ।
फुटबल प्रतियोगिता तयारीका लागि शनिबार नै काठमाण्डौ पुगेका शाहले विराटपथसँग कुरा गर्दै भने, ‘प्रतियोगितालाई भब्य रुपमा सफल बनाउन अखिल नेपाल फुटबल संघ (एन्फा)सँग छलफल गर्न काठमाण्डौ आएको छु । प्रदेश सरकारले हालै मात्र शहिद रंगशालामा फ्लड लाईट जडान गरिदिएका कारण यो बर्ष रात्रीकालिन फुटबल सञ्चालन हुनेछ ।’
लामो इतिहास बोकेको विराट गोल्डकप फुटबल प्रतियोगिता अघिल्लो बर्ष हुन सकेको थिएन । कोरोना भाइरसको संक्रमणका कारण विराट गोल्डकप प्रतियोगिता रोकिएको थियो ।

तपाईको प्रतिक्रिया
हाम्रो बारे

लार्ज मिडिया प्रा. लि.
विराटपथ न्यूज पोर्टल कोसी प्रदेशको मुकाम विराटनगरबाट सञ्चालित छ।  सूचना तथा प्रसारण विभाग दर्ता नं 2878/ 2078-079

टिमहरु

अध्यक्ष  : सुष्मा श्रेष्ठ
प्रधान सम्पादक : प्रल्हाद गुरागाई
सम्पादक  : कृष्णप्रसाद कोइराला
बिशेष संवाददाता : सन्तोष दाहाल

सम्पर्क

विराटनगर महानगरपालिका – ९
शान्तिचोक
9851052811/9804005000
[email protected]