विराटनगर । प्रधानमन्त्री केपी शर्मा ओली र भारतीय सेनाका प्रधानसेनापति मनोज मुकुन्द नरवणेबीच शुक्रबार भेटवार्ता भएको छ । प्रधानमन्त्रीको सरकारी निवास बालुवाटारमा प्रधानमन्त्री र प्रधानसेनापति नरवणेबीच भेटवार्ता भएको हो ।
तीन दिनअघि नेपाल भ्रमणमा आएका नरवणेले शुक्रबार स्वदेश फर्किदै छन् । स्वदेश फर्कनु अघि उनले प्रधानमन्त्री केपी शर्मा ओलीसँग भेट गरेका हुन् । भेटमा प्रधानमन्त्रीसँगै उनका विदेश मामिला सल्लाहकार राजन भट्टराई र परराष्ट्र मन्त्रालयका सचिव भरतराज पौडेल पनि सहभागी छन् ।