झापा । झापाको अर्जुनधारा – ५ स्थित बैसाबारीमा गोरु काटेर खाएको आरोपमा तीन जना पक्राउ परेका छन् । शनिबार विहान उनीहरुले गोरु काटेर खाएको आरोपमा पक्राउ परेको प्रहरीले जनाएको छ ।
पक्राउ पर्नेमा २० बर्षीय ईमन दाहाल, २७ बर्षीय बीरबहादुर दनुवार र अर्का २७ बर्षिय टिकाराम दनुवार रहेका छन । उनीहरुले गोरु काटेर खाई गोरुको टाउको र खुट्टाहरू नजिकै रहेको उखुबारीमा गाडेको १ नम्बर प्रदेश प्रहरी कार्यालय विराटनगरले जनाएको छ ।
स्थानीयले दिएको सूचनाका आधारमा प्रहरी चौकी शनिश्चरेले उनीहरुलाई पक्राउ गरेको थियो । प्रहरीले गाडेको गोरुको टाउको र खुट्टा समेत फेला पारेको छ । पक्राउ परेका माथि कानुनी कारबाही अगाडी बढाईएको जिल्ला प्रहरी कार्यालय झापाले जनाएको छ ।