विराटनगर । कोरोना भाइरस बिरुद्धको अभियानमा अग्रपंक्तिमा रहेर काम गर्ने नेपाल प्रहरीलाई मनोबल बढाउने कार्यमा रोटरी क्लब लागेको छ । कोरोना भाइरसको संक्रमण समुदायमा फैलिएपछि त्यसको नियन्त्रणका लागि प्रहरीको सक्रियता महत्वपूर्ण रहेको भन्दै रोटरी क्लब अफ विराटनगरले सो अभियान शुरु गरेको हो ।
जिल्ला प्रहरी कार्यालय मोरङमा आयोजित एक कार्यक्रममा प्रहरीलाई अग्रपंक्तिमा रहेर काम गर्न सहज होस भनेर तीनसय थान फेस सिल्ड माक्स र तीनसय ७५ थान एन ९५  माक्स हस्तान्तरण गरिएको थियो । क्लबका अध्यक्ष बिजु थपलिया लगायतका पदाधिकारीले मोरङका प्रहरी प्रमुख एसपी सन्तोष खड्कालाई सो सामाग्री हस्तान्तरण गरेका थिए । सर्भिस डाइरेक्टर मनोजविक्रम शाहका अनुसार क्लबले समय समयमा यसप्रकारको कार्य गर्दै आएको छ । कोरोना भाइरस संक्रमणको जोखिम नियन्त्रणमा जनचेतनामूलक कार्यदेखि बिभिन्न स्वास्थ्य सामाग्रीहरु वितरण समेत गरिएको शाहले विराटपथलाई बताए ।
कार्यक्रममा आगन्तुक अध्यक्ष सुरेन्द्र गोल्छा, सदस्य नवदिप अग्रवाल, मोरङमा डिएसपी मानबहादुर राई लगायतको उपस्थिति रहेको थियो ।